Field Report (Sept 2023) – Max
Field Report (2023 Sep) 秋天來了，這個月我們正式成為對方的伴侶，每一天都過得很愉快美好。 Playlist for September 林子祥 -《敢愛敢做》 Starship – Nothing’s Gonna Stop Us Now sapientdream – past lives VICTOR THOMPSON – Dependable God 瓦依那 X 任素汐 -《大夢》 Our Play Field 今個月的大事件係Kris仔終於考到車牌！ 一齊揀咗可以入油的Qashqai，又將你的名字加入了海豚仔的保險， 由副駕榮升小司機嘅 Kris ，隨時隨地都可以駕車周圍去了～ 車上聊天也對你認識更深；如駕著你的 Qashqai 第一次 mini road trip，在駛去 Dover 和 Deal 的高速公路，你分享了早幾年在人際網絡偶然地發現到proof-read的服務需要，你用咗好多心機同時間，和伙伴經營出一個品牌。這 cash cow 帶來連年豐厚的回報，讓你現在對金錢可以看輕一點，不用太執著。ChatGPT的普及或許對這市場帶來些衝擊，碰巧你也轉換了生活重心，現在的priority不在賺錢，反而想好好把握時間去學習，每月的收入足夠就可以了。 開始進入「秋冬裝」的我們，期待這些我送你上學，你接我下班的日子。 這個月我開夜班的多，把握上午跟你去 Nissan 看車、BBC 的 Immersive Expereience 看動物、甚至跟你去開工～ 好得意你同我好朋友
Field Report (Sept 2023) – Kris
Monthly highlight 買車 – Shakespeare – Barbican 非常多謝你陪我睇車，我一直覺得學車同買車都係人生好重要而又好excited嘅事情，多謝有你陪我進行！同你一齊之後竟然鐘意咗食pub food，覺得有一種好親民又好隨意嘅自由感覺。 多謝帶我去睇Shakespeare，雖然係同一個作品，但因為劇本同演員的演繹唔同，這次的呈現明顯有趣很多。開場前因為時間有點趕，你緊張到手心出汗，很可愛。而且沒想到一進去就意外地站在了一個很不錯的位置，演員不斷從我們身邊行過，真正意義上的近距離接觸。邊看邊揉揉你的後背，覺得呢個係一個充電嘅過程。最後我地仲被拍劇嘅documentary嘅人影低咗我地，好奇最後的成片中的呢個片段。 我地決定呢日下午冇安排，隨意地想東邊方向行走。無意之中入咗一間好靚嘅church，細節嘅設計同光影搭配相得益彰。 你建議我地去Barbican行下，呢個係我好鐘意嘅地方，因為好多秘密地方同秘密通道，每次都好有探險嘅感覺。我地果然搵到一個奇怪嘅位置，可以偷偷開咗個好似從來都冇人開過嘅窗，然後從樓上偷睇樓下嘅人。同你一齊探險好好玩，你唔會拒絕去d未知嘅地方，亦唔會拒絕做d睇似無聊嘅事。 突然發現開始日落，於是開始加速向外跑，又係追日落嘅一個晚上，好鐘意係日落時分有你陪伴，我一直覺得日落好浪漫，因為光線好溫柔，而且日落之後就會進入我最鐘意嘅夜晚。 我地漫無目的咁遊走係Barbican，行到樓梯位，見到二樓圖書館仲著住燈，好得意，點解唔關曬d燈，點解會故意留一盞燈，等大家見到佢地。我都唔係好清楚，我一邊思考著，一邊被你攬住，開始輕輕地係耳邊說著情話。 我嘅角度啱好睇到呢棵係二樓樓頂嘅針葉樹，好有美國嘅感覺，同倫敦嘅vibe非常唔搭，但出奇地我又覺得同呢個夜晚好搭。我同你依偎著，天漸漸變黑。你係我耳邊講咗好多嘢，已經唔係好記得內容，樓梯上人來人往，但我唔想停。 最後徹底入夜，我地繼續遊走係Barbican，尋找黑夜中另一個有趣嘅入口。 步行到St Paul，白光打係教堂嘅頂部，有一種神秘嘅感覺。你將我一抱起，放係台階上，我地拿出電話，check咗下大家嘅Hinge，係一個緊張但又刺激嘅過程，我地都冇見到d自己唔想見到嘅嘢，很好，於是一起delete咗account。正式開始我地嘅relationship，於是相擁然後相吻，夜色正好，一切都啱啱好。 以後一齊去冰島睇極光呀 🙂 可以並排坐好開心，因為離你好近，仲有Robin跳咗入黎好奇下我地食d咩！ 食日本嘢真係好開心！而且你仲帶我去睇咗Anthropology呢出theatre，你真係好了解我嘅喜好，好鐘意你呀。 第一次咁認真參加Open House，都真係幾有趣，有好多得意嘅建築ideas，仲遇到可愛嘅伯伯，佢細個嘅時候好鐘意去一個海邊度假，我地mark低咗，睇下幾時去！ 其實真係好多謝你不斷著黑色衫，真係好好睇，一開始每次見到你著黑色衫就會想衝過去攬住你。呢家係只要一見到你，就想攬住你，哈哈。 上個月你share咗14年嘅採訪片段，睇咗好多次，好鐘意咁有正義感嘅你。呢家係“真理部”幫你影長相，要繼續追求真正嘅真理哦！ 你同我有好多交集，好似好多我鐘意嘅嘢你都好鐘意，就好似睇展覽、聽音樂會咁。好慶幸係呢個年紀就已經share緊咁多interest，之後只會係互相影響下有更多相似的地方。拖住你一齊聽呢場出奇的好嘅音樂會，覺得好peaceful且好幸福。 第一次同你玩“信任遊戲”，你好可愛呀又好乖，真係好努力咁向前行，好多謝你咁信任我，於是係公園入邊獎勵咗你成個幾鐘。覺得我地嘅距離越來越近，好似越黎越放心同面前呢個高我成個頭嘅男仔相處。 Nulla vitae metus tincidun varius nunuis in the porta nulla. Pellentesque vel dui nec ibero aucto pretium thearcu. Nunc consequat diam enisle blani dinisim. Etiam como in the modo asdiam dolar scelerisue
Field Report (August 2023) – Max
Monthly highlight xx Nulla vitae metus tincidun varius nunuis in the porta nulla. Pellentesque vel dui nec ibero aucto pretium thearcu. Nunc consequat diam enisle blani dinisim. Etiam como in the modo asdiam dolar scelerisue solden finibus sit amet. Curabitur id lectus eget purus finibus laore. Nulla vitae metus tincidun varius nunuis in the porta nulla. Pellentesque vel dui nec
