Monthly highlight

買車 - Shakespeare - Barbican - BBC Earth Experience - Anthropology theatre

Open House - 信任遊戲 - Deal海邊trip - 開學

 

Issues

Deal的trip有大家都無法集中精神揸車的情況 - 懷疑你係gay

 

非常多謝你陪我睇車，我一直覺得學車同買車都係人生好重要而又好excited嘅事情，多謝有你陪我進行！第一次去睇車嘅時候你都幾有主見，會將你知道嘅你諗到嘅都提出黎問個sales，所以我地好快就睇啱咗一部車。係呢d小小大事上你有你嘅主見，我認為好好。同你一齊之後竟然鐘意咗食pub food，覺得有一種好親民又好隨意嘅自由感覺，亦可能因為幾次同你食pub都有愉快嘅經歷and開心嘅聊天。

多謝帶我去睇Shakespeare，雖然係同一個作品，但因為劇本同演員的演繹唔同，這次的呈現明顯有趣很多。開場前因為時間有點趕，你緊張到手心出汗，很可愛。而且沒想到一進去就意外地站在了一個很不錯的位置，演員不斷從我們身邊行過，真正意義上的近距離接觸。邊看邊揉揉你的後背，覺得呢個係一個充電嘅過程，有默契嘅係你好似都幾enjoy肢體接觸。最後我地仲被拍劇嘅documentary嘅人影低咗我地，好奇最後的成片中的呢個片段。

我地決定呢日下午冇安排，隨意地想東邊方向行走。無意之中入咗一間好靚嘅church，細節嘅設計同光影搭配相得益彰。究竟係因為倫敦就係咁有趣咁多驚喜，定係因為我同你一齊有化學作用？

你建議我地去Barbican行下，呢個係我好鐘意嘅地方，因為好多秘密地方同秘密通道，每次都好有探險嘅感覺。我地果然搵到一個奇怪嘅位置，可以偷偷開咗個好似從來都冇人開過嘅窗，然後從樓上偷睇樓下嘅人。同你一齊探險好好玩，你唔會拒絕去d未知嘅地方，亦唔會拒絕做d睇似無聊嘅事。

突然發現開始日落，於是開始加速向外跑，又係追日落嘅一個晚上，好鐘意係日落時分有你陪伴，我一直覺得日落好浪漫，因為光線好溫柔，而且日落之後就會進入我最鐘意嘅夜晚。

我地漫無目的咁遊走係Barbican，行到樓梯位，見到二樓圖書館仲著住燈，好得意，點解唔關曬d燈，點解會故意留一盞燈，等大家見到佢地。我都唔係好清楚，我一邊思考著，一邊被你攬住，開始輕輕地係耳邊說著情話。

我嘅角度啱好睇到呢棵係二樓樓頂嘅針葉樹，好有美國嘅感覺，同倫敦嘅vibe非常唔搭，但出奇地我又覺得同呢個夜晚好搭。我同你依偎著，天漸漸變黑。你係我耳邊講咗好多嘢，已經唔係好記得內容，樓梯上人來人往，但我唔想停。

最後夜色徹底降臨，我地繼續遊走係Barbican，尋找黑夜中另一個有趣嘅入口。係夏天的溫度但又有涼風，突然開始懷念以前係廣東省炎熱夏天時涼冷氣的感覺，於是抓緊你手，仿佛散步在夏日裡。

步行到St Paul，白色嘅光打係教堂頂部，有一種神秘嘅感覺。你將我一抱起，放係台階上，我地猶豫地拿出電話，check咗下大家嘅Hinge，係一個緊張但又刺激嘅過程，我地都冇見到d自己唔想見到嘅嘢，很好，於是一起delete咗account。正式開始我地嘅relationship，於是相擁然後相吻，夜色正好，溫度正好，一切都啱啱好。

上班前的短聚，去睇bbc earth係一個聰明嘅選擇，簡單輕鬆但enjoyable，你安排活動的能力很不錯。展覽很immersive，氣氛很好，心裡想，不如以後一齊去冰島睇極光？冰島一直係我心目中有特別地位，一直唔捨得去因為佢太好，所以想同最特別嘅人去。

可以並排坐好開心，因為離你好近，仲有Robin跳咗入黎好奇下我地食d咩！

食日本嘢已經係一件好快樂嘅事情，而且你仲帶我去睇咗Anthropology呢出theatre，你真係好了解我嘅喜好，好鐘意你呀。

第一次咁認真參加Open House，都真係幾有趣，有好多得意嘅建築ideas。係architecture firm度仲遇到可愛嘅伯伯，我地mark低咗佢細個嘅時候好鐘意去嘅一個度假嘅海邊，睇下幾時去！今次OH嘅活動既係一個周圍轉轉嘅開心事情，亦都係探索下互相品味嘅機會，可以睇到你鐘意d咩唔鐘意d咩，暫時覺得我地嘅品味應該比較一致！

其實真係好多謝你不斷著黑色衫，真係好好睇，一開始每次見到你著黑色衫就會想衝過去攬住你。呢家係只要一見到你，就想攬住你，哈哈。

上個月你share咗14年嘅採訪片段，睇咗好多次，好鐘意咁有正義感嘅你，雖然感覺你呢家似乎有所改變，因為你認為生活可能比追求政治理想更重要，但都好希望可以試下揾到理想同生活之間嘅平衡，不忘初心。呢家係“真理部”幫你影長相，要繼續追求真正嘅真理哦！

你同我有好多交集，好似好多我鐘意嘅嘢你都好鐘意，就好似睇展覽、聽音樂會咁。好慶幸係呢個年紀就已經share緊咁多interest，之後只會係互相影響下有更多相似的地方。拖住你一齊聽呢場出奇的好嘅音樂會，覺得好peaceful且好幸福。

第一次同你玩“信任遊戲”，你好可愛呀又好乖，真係好努力咁向前行，好多謝你咁信任我，於是係公園入邊獎勵咗你成個幾鐘。覺得我地嘅距離越來越近，好似越黎越放心同面前呢個高我成個頭嘅男仔相處。

拿車第二日，估唔到我地真係開車去咗海邊！Deal？Deal！第一次體驗到你嘅M屬性，真係好乖乖咁係副駕度幫手睇路and教我要點揸motorway。你買嘅馬卡龍全部都係我鐘意食嘅味，真係一個貼心嘅男朋友。

雖然有發生d枝節事件，但你都處理得好好，再次感謝你嘅好脾氣。晚上食咗好好食嘅dinner，返去倫敦之前你係滿天繁星下攬住我，同我講，今日遇到嘅衝突係好正常嘅，亦係以後會繼續遇到嘅，但我地如果可以積極處理，就唔會有問題，我內心點點頭。驚喜嘅係，玩咗一日咁攰，臨訓前你依然有同我講bed time story, and debrief下今日嘅經過。掛線後，我更加期待未來嘅呢d“有點不舒服”的經歷，因為呢d先係真正促進關係同全面了解對方嘅位。係有矛盾嘅時候我會快速思考，你會安靜地尋求解決辦法，然後我地再進行理性的交流，我認為咁樣非常高效。

開學lu我！好開心係人生呢d特別時刻都有你嘅陪伴，多謝送我去返學同接我放學，因為諗到放學之後可以見到你，以及可以同你share我每日學咗d咩，令到我更加有動力好好學習，哈哈！我學嘅好多嘢你都識，你好叻，我要多多向你請教！

多謝你保證自己唔會變gay哈哈，應承埋曬我呢d咁無厘頭嘅嘢，但真係好鐘意你呀嘛，咁保證下你會一直係我身邊都係好有必要嘅，哈哈。雖然講好盡量唔呷醋，但覺得你同佢真係行得太埋，所以都係raise up下個問題，大家一齊討論下。討論完後揸車返屋企，係揸車前，第一次嘗試係車纏綿，真係相當好玩，要keep住呢個activity。你好溫柔，但有時突然會有個好強勢嘅你，呢種交錯搭配特別特別好，好鐘意。And成個flow都好smooth，經常係不知不覺個幾兩個鐘就過咗啦！

你好可愛呀，咁鐘意食雞翼，以後成日整俾你食呀！and呢餐飯食得好開心，因為係好熟悉嘅食物，突然有一種係澳門拍拖嘅熟悉感，而且個感覺好日常，就係各自忙咗一日，然後一齊係屋企留下食個便飯嘅感覺，好期待同你一齊開心咁過本來平淡嘅每一日！同埋多謝你考慮續下你回鄉證，哈哈哈，可愛。

多謝收睇，我地下期再見！Bye👋🏻